ابوبكر الصديق
****
كلمات الشيخ المادح خالد المصطفى
****
إبن أبي قحافة يا تاج الكرم والبر
وزير طه النبي كاتم أمورو وسرو
الصديق لقب وإسم الولود عبد الله
عثمان بن عامر أبوهو في السلسله
و إسم الوالده سلمى قرشي ما بتذلا
من تيم بني مره ومنو النسب يتعلا
هو اصغر من نبينا بي تلات سنوات
صاحب أشناق قريش ويسدد الديات
الأعتق نفوس كايس رضا وحسنات
دا العالم بالنسب وكم فسر الرؤيات
عندو أولاد تلاتة وأيضا تلاته بنات
ومن جملة نساه الأربعة الزوجات
ستي عايشة هي زوجة نبي الرحمات
هي أم المؤمنين في بيتا نور وآيات
قول طلحة والزبير أزواج بناتو كمان
من العشرة أيضا النالوا رضا الرحمن
وأسموهو العتيق معتوق من النيران
وأبو بكر لأنو يبكر خيرا في كل أوان
وأيضا أسلم والديه وبايعوا المختار
في عمر النبي مات الرفيق في الغار
مدفون في المدينة معا في نفس الدار
بين سيد الرسل وفاروق ونعم الجار
دا صديق النبي من قبل يظهر شانو
من حرم للخمور في الجاهليه دنانو
التاجر شريف في الشام ومكة بيانو
خليفة المسلمين وأولنا في الايمان
صليت والسلام يا طه زي ما يكفي
بالمليار كمان مضروبة مليون ألفي
في عدد العالمين من بان ثم المخفي
وأضعاف ما نتج ان كان ذلك يوفي
ليست هناك تعليقات:
إرسال تعليق