الجاه الشخصي
***
كلمات الشيخ المادح خالد المصطفى
***
اتشرفنا بجاهك وفزنا
شهادة مسلم منك حزنا
بختنا امة سعيدة وجزنا
كمان أديتنا تمام الاذنا
جاهك رسمي وايضا شخصي
تشيل وتعيد للامة وتوصي
جاه مردوم وماهو المحصي
من ضمن الجاه لله لم تعص
دا المغفوره ذنوبو الجايه
شهاده عظيمه واقرا الآيه
يجوك الناس عموم ونبايا
في يوم الدين وتشيل الرايه
واسمك عالي مع المتعال
في الآذان حين يشدو دعالي
وطيب القول وكلام وفعال
وأمرك كلو نجوم ومعالي
والمحبوب محروس بالملك
وشرف حتى بروج الفلك
نزور محبوبنا في طيبة ونبكي
النورو يزيل لكل الحلك
الذاتو الخير وقريش اخيار
تحمي البيت الطاهرة ديار
نبينا الاصلي ودهبو عيار
لبسو قليل ما عندو غيار
عاف الدنيا رفض مفتاحا
الحايز الحسن ونوره اللاحا
عطور من جسمو تهب فواحه
وتشعر قربه كمان بالراحه
صلاتي عليك عظيم الجاه
ووصلك في القلوب نرجاه
تنير الكون وتزيل لدجاه
وتقول لخالد قبلنا رجاه
ليست هناك تعليقات:
إرسال تعليق