بسم الله الرحمن الرحيم
سيد حياتي
***
كلمات الشيخ المادح خالد المصطفى
****
أريت يا سيد حياتي أجيك
ومشتاق من زمان راجيك
وأعانق لي تراب واديك
يا رب السماء ومليك
نافي الزوجه لالو شريك
أجيب باسبور أجيب الشيك
أسافر طيبه أزورو نبيك
أزورك في ربيع ناويك
وكل سوداني قال آتيك
في الشباك نعاين فيك
ونرمي الحمل كلو عليك
لا شرخ الشباب لاهيك
لا عبث المجون هاويك
ومن عهد الأزل هاديك
جبريل من صغير حاويك
خلقوا الأرض كلها ليك
يا حبيب الله هو الباريك
في الغزوات كان راميك
وفي يوم الحساب كاسيك
جبريل كل ساعه يجيك
وقال يا نبينا ما يبكيك
نفخ الصور أمرو وشيك
أشرح أمري لي واليك
قال يا طه لن ياذيك
وأبشر بي كرم باريك
أمام كل الخلوق داعيك
ويرحم طايعك عاصيك
بي كل العيون راعيك
من أبليس رجيم كافيك
لا مودع ولا جافيك
بالحب والحنان ساقيك
من كل الشرور حاميك
وتتكسر نصال غازيك
وعظم في قريش ناديك
وأمر أملاكو صلوا عليك
يا نفسي اللئيم شاكيك
توبي من اسوداد ماضيك
يمكن طه يبقى نجيك
وفي الكوثر يكون راويك
صلاتي عليك غرة أبيك
وتسليما نزفه إليك
والزوجات وحيدر أخيك
ثم الآل وصحب وذويك
ليست هناك تعليقات:
إرسال تعليق