ابن عبد المطلب
***
كلمات الشيخ المادح خالد المصطفى
***
زي سواد بن الغزيه
منايا يا محبوب أضمك
وابقى ليك خالك وعمك
وما تجيك ابدا اذيه
في بدر يكربني غمك
وانت بتقود السريه
وفي احد عذبني دمك
ونحن من دمك بريا
انت قايد كل صوله
وانت اولنا في خطابو
وربي انزل في كتابو
النبي من ذاتنا اولى
في حنين تهتف تقول
انا ابن عبد المطلب
شجاعة تدهش للعقول
وموقف يثبت للقلب
ولم اجد يا ربي أجدى
من لزوم الباب وسجده
وفي محمد خير نجده
ومجد طه الأغلى مجدا
أهدي ليك يا حبي ورده
في حماك أكسيني برده
اشكو ليك الارض جرده
وقلبي من السوء أردا
ربي صلي يا مالك القلوب
عدد الرمال عدد الحبوب
وسلامنا كالواجب وجوب
وامسح لنا بيها الذنوب
القمر
انت في الميعاد رجاتي
وفيك محمد كل حياتي
وبيك اسلامي ونجاتي
وعليك يتجمع شتاتي
انتو لو عارفين جمالو
وحسن آدابه وبيانو
كان بتحتاروا في كمالو
والقمر ساب لي مكانو
دا الجمال الاصلي نورو
خلي يوسف يحكى عنو
في السماوت حين يزورو
وموسى يا ناس غار منو
حين قال صاحبو الرآه
الشمس في وجهو جاريه
جل من بالنور براهو
وحتى خلقو ماها داريه
انتو لو شامين عطورو
زي صحابتو شمو مسكو
كان بتقطفوا لي زهورو
وكان عرفتو الحب ونسكو
دي ام معبد وصفو قالت
أجمل الناس وأحلى
ثم في الاوصاف والت
ادعج العينين صحلا
ربي صلي على رجانا
واعظم الانسان قدرا
واعظم الخير اللي جانا
وزينة الاقمار بدرا
أشرف منارة
طه يا اشرف منارة
وحياة شمس الوجود
اهدي ليك حبي وسلامي
واعتذاري من زماني
في الجمال الفكر حارا
ومنك تأتينا المدود
أشعل الاشواق نارا
في قلوب تلك الحشود
صرنا في دينك كبارا
صار نجمك في صعود
يوم قاموا كالسكارى
يوم ان جاء الوفود
انت في عيسى البشاره
وكان نورك في الجدود
فالهدى بدا من مغاره
من حراء سعد السعود
شرعك الطاهر اهدى
من رحيق النحل شهدا
فزت بالميثاق عهدا
بك تصديقا وجهدا
ربي يا رحمان وفردا
أكفي عبدك حر وبردا
من وفاق ابليس وطردا
من عذاب القبر وزردا
صلي يا ربي وسلاما
بأجمل الصلوات كلاما
وارفع الجهل وظلاما
وارفع الشر وملاما
ليست هناك تعليقات:
إرسال تعليق