كريم وصافي ***
شيخ المادح خالد المصطف لو حتى كملنا القوافي وكل شاعر قال ووافي وقلنا ظ والخوافي برضو زيك والله مافي لانك انت كريم وصافي ودنيا آخرة علينا كافي في مشاعرك بينا دافي وجيتنا بالحا ميم وقاف انت زي الموية صافي ولي شموس الدنيا طافي تمشي لابس ومرة حافي بلمستك لعليلنا شافي يا حبيب واجمل هديه ويا رسولنا ويا نبيا وأكرم الايدي النديه وصاحب الكلمة العليه بيك حبيت كل جدودك اخدت تاشيرة لحدودك عرفت افضالك مدودك وخفت هجرانك صدودك بيك صلاتنا وبيك صمنا وبيك زكاتنا وبيك قمنا في ثرى الحرمين حمنا ثم كلمة التوحيد رمنا صلي ربي على المهنى على حبيبنا ملان محنه وأرفع امراضنا ووهنا وسدد اقساطنا ورهناالأربعاء، 17 أغسطس 2011
قصيدة القبة أم دهانا يرقو
القبة أم دهانا يرقو
***
كلمات الشيخ المادح خالد المصطفى
***
القبة أم دهانا يرقو ( يرقو = خضراء )
شوقي اليخاتف برقو
العشاق سكارى وغرقوا
في نار الهيام اتحرقوا
يوم جانا النسيم من شرقو
مسكا بل عطيرا عرقوا
غطى من الجنوب لي أرقو
كل سودان سريا وطرقو ( سريا : النهر والبحر )
كل هايم يراجع ورقو
لي بلاد الرسول انسرقوا
مبعوثا في بيت عربايا ( بيت عربايا = أرض العرب )
الهاشمي الصميم الآيه
يا محبوبي يا ملجاي
دنيا وآخرة إنت رجايا
شفاعتك سوبتو يوما جايه ( شفاعتك سوبتو = عيد الشفاعة )
بي أوزارنا بيكا نجايا
نورك كان ختام وبدايه
يا أكرم صفات وسجايا
مبعوث من هدية أودو ( أودو = الواحد الأحد )
لي كل من سكن في بلودو
راحم بيهو كل وجودو
حريصا مستقيم وسجودو
يا رحمن رحيم وودودو
في زوم الكريمة جدودو ( زوم = البقعة )
نجلس آمنين في حدودو
في ساحة الحبيب وورودو
سابار الرسول ونبيا ( سابار = بشر )
مرسولا لأمه أبيه
يرووا ليه أنس وأبيه
معصوم من نشا وصبيا
للعالم خلاص وهديه
سيد السودورو والكوفيه ( السودرو = العمامة )
حقوقك لينا كيف نوفيا
يا صافي الحسب والنيه
الكون من مدودك شاري ( شاري = يبدأ )
تشريف الكريم الباري
دايما لينا فيضك جاري
ضايق في بعادك ناري
يا الصاحب تميم الداري
دايما موريو في أفكاري ( موريو = سيدي )
يا رب طيبات أقداري
بي الفاق من أقام جدار
يعبد ربو في الحايوسو ( الحايوسو = الغار )
الغير للمعاصي يكوسوا
جبريل منهجو ودروسو
محفوظ من لعين محروسو
نتسامر ونيحا جلوسو ( ونيحا = مرتاحين )
في ظل القمر وشموسو
مرتاحين حديثنا هموسو
ما فينا البغيض وعبوسو
يا ريت لأم خدار ساعورا ( ساعورا = زائرين )
زي أسراب حمام وطيورا
ارابط فيك سنين وشهورا
وبي نورك أقيف مبهورا
يا ريت في الكتاب مسطورا
في اللوح بل قدر مقدورا
خالد يمشي ليها يزورا
ويصلي على نبيك النورا
قصيدة الفاروق عمر
الفاروق عمر
***
كلمات الشيخ المادح خالد المصطفى
***
يا قلبي ولساني
قول الخليفه التاني
الفاروق عمر
مفتاح المعاني
العدوي النبيلا
وقريش القبيله
الهادي السبيلا
للمنكر يزيلا
اصغر من نبينا
باطناشر سنينا
كان في المؤمنينا
ورقمو اربعينا
يا وزير الرسول
وخليفه ويجول
جسمك زاد نحول
يا فارس الخيول
يا نسيب الرسول
اب حفصه البتول
في الجنه النزول
مقام سيد للكهول
مشهور بالعداله
وكاره للجدالا
شامخ كالجبالا
وأطول من طوالا
عظم للصحابه
وهابوه واهابا
كم في الله ذابا
وفي فتواته صابا
نظم للمراتب
ووزع للرواتب
وعين للكواتب
وافرح للعواتب
حطم للكواسر
وعروش الخواسر
بالجند الحواسر
وذلل للعواسر
صليت يا كريم
والتسليم حميم
بالقلب اليهيم
لي طه الزعيم
قصيدة أهل الطريق
ألفين حباب
***
كلمات الشيخ المادح خالد المصطفى
***
الفين حباب اهل الطريق
هم سادة ينشلوا للغريق
لالوب دكك
ما هم هبك
أكلوا العبك
سكنوا النبك
وسط النجوم ليهم بريق
عشقوا الإله ثم الرسول
جوه القلوب ليهم قبول
الناس ضبك
بالريد لبك
تسبيح دهك
كشباب مهك
والنوبة شايلين والطبول
السادة في الليل والنهار
وعبادة كالامراء الكبار
عاشوا الهدك
سووا الحبك
ماهم سدك
في الله لدك
في الكبرياء منعوا الازار
الادرى بي طرق السماء
بي دعوة انزلوا منه ماء
نفس فهك
والروح رهك
ابليس هوك
بالسيف دوك
واعداء تموت بلا دماء
حيوا العباد المؤمنين
الزادوا للدين واليقين
اهل الحزك
مسك صوك
قوم اللحك
ماهم محك
مدد الإله والمرسلين
الفارقوا الدنيا ام قدود
ديل طاعوا لله الودود
رضعوا الشحك
قبلوا السحك
أهل البزك
عدموا السيك
ما طالوا بي نسب الجدود
ربي صلي على الحبيب
في الغار يدافع للدبيب
عدد العوك
ثم البوك
عدد الكشك
ثم الحشك
عدد المباعد والقريب
قصيدة العام الثاني من الهجره
العام الثاني من الهجره
***
كلمات الشيخ المادح خالد المصطفى
***
دي فرائض ربنا للأجرا
في العام الثاني من الهجره
يا أهل الله ويا قومي
البشرى في العام الثاني
بفريضة رمضان الصوم
من عند القدوس الحاني
وكذلك فرضت زكوات
في نفس العام المذكور
في مال وصاع الفطرات
وصلاة العيد لفطور
تحويل القبلة إلى مكه
من بيت المقدس في الظهر
ليهود العالم قد صكا
قبلة صلواتي مدى الدهر
فرض الآذان وإقرارو
ونبينا قد أذن مره
في بعض رحيلو وأسفارو
بالنص ولم تثبت تترى
وصلاة كسوف وجهادن
وصلاة قيام الرمضان
تخطيط بقيع لي مدافن
وضحية كبش القربان
تحريم الخمرة قد تما
والميسر وأزلام الرجسا
في العام الثاني للأمه
وأزال المنكر والرجسا
وصلاة نبينا قد فرضت
في نفس العام المسعود
فصلاة الله كما ذكرت
لنبينا البر الموعود
العاشق أذاهـ الليل
بسم الله الرحمن الرحيم
العاشق أذاه الليل
****
كلمات الشيخ المادح خالد المصطفى
***
العاشق أذاه الليل
والبراق يزيد الويل
مناي يا طيبة فيك مقيل
شوقا ليك يهد الحيل
يجرف فينا جرف السيل
وحات رب البلاد الايل
قلوب كل العباد في ميل
حبيب هايمبو حتى جبيل
ويبكى الجزع قالو حليل
وطيرا في صراخ وهديل
والقصواء بكاها عويل
المعصوم حنين ونبيل
عميق ايمان وربه وكيل
يهدينا الطريق وسبيل
طريقا غيرو مافي بديل
سماحة الهاشمين وطويل
نور من نور وخده أسيل
الطاهر بسوم وكحيل
دايم صمتو صوتو صحيل
مشحون بالوقار وجميل
ويمسح وجهو بالمنديل
ويشهد ليهو غصن نخيل
والأحجار سلاما جزيل
عظيم أخلاق وقدره جليل
وللرحمن كليم وخليل
يوم الناس صراخ وعويل
بتلقى الماحي ظلو ظليل
نسيما من تهامه عليل
وللخرطوم قصدنا عديل
يذكر بالأتانا دليل
ويبارك للضعيف وقليل
شاحد ربي ماهو بخيل
يصب صلواتو ليها يكيل
وتسليما نخيلو يشيل
علي طه الكريم وأصيل
قصيدة صلواتنا الخمسة
الصلوات الخمسة
***
كلمات الشيخ المادح خالد المصطفى
***
صلواتنا الخمسة
بيها نصبح ونمسى
لا تغيب لا تنسى
يا سالك اعرف
الطريقة وناسا
الصلاة فى الجامع
عمدتها واساسا
المنافق يكسل
و الفقير فى حماسا
الصلاة فى الجامع
للذنوب كناسا
كل خطوة بتخطي
ياخدوا ليك قياسا
دين عظيم يا ناس
يحسبا بمداسا
يلا قوم اتوضا
واحذر الحباسا
ورفاق السوء
وللنفس وسواسا
والكسل والعجز
والعن الخناسا
اترك الاهمال
ما تقوم تتناسا
تمشي يوم الجمعة
مرة واحدة يباسا
عيب عليك يا سالك
تكون أقل الناس
صاحب اقرب جامع
وابقى من حراسا
والصلاة فى جماعة
تبقى ليك سياسة
تضمن المامول
فى الصراط جوازا
خلى روحك مسجد
والصلاة انفاسا
البخارى يعزى
من اضاعا وواسا
والصلاة فى المحشر تدوس لي من داسا
فى الصلاة تتوحد
الامم واجناسا
الغنى المترف
والفقير افلاسا
البسيط فى عمله
والمدير فى رئاسة
الصلاة فى جماعة
الرسول نبراسا
ووقوفنا فى صفه
وهو راسنا وراسا
ربي صلى وسلم
على الخلقته خلاصة
الاشتراك في:
الرسائل (Atom)